ابونة اسمر جنوبي...

ابونة الكضة عمرة بخدمة الناس

حلال المشاكل...

واسمة عنوان..

ابون اطيح لاجلة كتول وفصول

عزوبية وكرم

ولسان ديوان

من بيتة يفوح العيد عالناس

ويفطر من كهوتة الصام رمضان

ابونة اسمر جنوبي

بلون الاهوار

السمارة الحنطي فدوة تروح الالوان

عثر مرة بزغرنة وطحنة وياه

وتبدة الكون كله

وصارت سيان

لان الاب عمود اليسند البيت

ويا بيت الوكف من غير عمدان

ولان الاب وطن

وعياله الناس

الشعوب اطيح من اطيح الاوطان

اندك الباب مرة وما فتحناه

لان ندري اليدك الباب ديان

ولان ما ردنة موقف يجرح احساس

ويزيد الم والدنة الانسان

حلال المشاكل بالمحطات

خلص عمره انتظار

وسفر.. واشجان

كبر والشيب بين والوكت راح

وبدة يعيش بفكر

وبال سرحان...

ابون اسمر جنوبي بلون الاهوار

السمارة الحنطي فدوة تروح الالوان

عاشت ايدك
تحياتي لك

دائما دائما كلماتك رائعة مثلك ماروعك ماروعك بالاب والشعر الي بيه الاب ماروعك

تحياتي الك يامبدع

الله والله كلما سمعت هذه القصيدة تهت بها حقيقة ومن غير مجاملة ودائما في صمتي اردد مطلعها

ابدعت اياد محسن في رسم الصوره الشعرية للاب اشكرك وبارك الله فيك

عاشت ايديك يااياد وتبقى منور المنتديات بكلماتك

لاعات بحلكك حياك مبدع

الله ينطي الوالد طولت العمر
شكرا اياد مبدع دوم

بارك الله فيك يا جنوبي ياشهم

مشكور جداً تسلم ايد ك شي حلو فعلاً ....